શિક્ષણના નામે હવસનો ખેલ! ભરૂચમાં 16 વર્ષની સગીરા સાથે નરાધમે આચર્યું વારંવાર દુષ્કર્મ
Bharuch : ભરૂચમાં 16 વર્ષની સગીરા સાથે વારંવાર દુષ્કર્મ આચર્યાની ગંભીર ઘટના સામે આવી છે. આરોપી સેમિનારના બહાને સગીરાના સંપર્કમાં આવ્યો હતો. ત્યારબાદ સગીરાને વિશ્વાસમાં લઈને તેની સાથે વારંવાર દુષ્કર્મ આચર્યું હોવાની ફરિયાદ નોંધાઈ છે. સગીરાની ફરિયાદના આધારે પોલીસે વધુ તપાસ હાથ ધરી છે.
Bharuch : ભરૂચમાં માનવતાને શરમાવે તેવી એક ગંભીર ઘટના સામે આવી છે. જે ઉંમરે એક દીકરીએ અભ્યાસ, સપનાં અને પોતાના ઉજ્જવળ ભવિષ્ય વિશે વિચારવાનું હોય, તે ઉંમરે તેને કથિત રીતે હવસનો શિકાર બનાવવામાં આવી હોવાની ચોંકાવનારી ફરિયાદ નોંધાઈ છે. ભરૂચમાં 16 વર્ષની સગીરા સાથે વારંવાર દુષ્કર્મ આચરવામાં આવ્યું હોવાના આક્ષેપથી સમગ્ર પંથકમાં ચકચાર મચી છે.
સરકારી ભરતીની તૈયારી કરતા લોકો સાવધાન! મહીસાગરમાં 58 ઉમેદવારો સાથે લાખોની છેતરપિંડી
16 વર્ષની સગીરા સાથે વારંવાર દુષ્કર્મ
મળતી માહિતી મુજબ, ભરૂચના ચાવજ ગામ નજીક આવેલા ધર્મનંદન કોમ્પ્લેક્સમાં ચાલતી ટેલેન્ટ પુલ એકેડેમીમાં આ સમગ્ર ઘટના બની હોવાનું ફરિયાદમાં જણાવાયું છે. આરોપી સાહિલ કબીર સૈયદ સેમિનારના બહાને સગીરાના સંપર્કમાં આવ્યો હતો. ત્યારબાદ સગીરાને વિશ્વાસમાં લઈને તેની સાથે વારંવાર દુષ્કર્મ આચર્યું હોવાનો ગંભીર આક્ષેપ કરવામાં આવ્યો છે.
ભાજપના ધારાસભ્યના ઘરમાં અમદાવાદની યુવતીનો હાઈવોલ્ટેજ ડ્રામા, બળજબરી પૂર્વક ઘરમાં ઘૂસી બૂમ બરાડા પાડ્યા
શિક્ષણના નામે હવસનો ખેલ!
એક તરફ માતા-પિતા પોતાના સંતાનોને સારું શિક્ષણ મળે અને તેઓ જીવનમાં આગળ વધે તેવા સપનાં જોતા હોય છે, ત્યારે શિક્ષણ અને માર્ગદર્શન સાથે સંકળાયેલી જગ્યાએ જ આવી ગંભીર ઘટના બની હોવાની ફરિયાદ અનેક સવાલો ઊભા કરે છે. સગીર વયની દીકરી સાથે બનેલી આ ઘટના માત્ર એક પરિવારની પીડા નથી, પરંતુ સમાજમાં દીકરીઓની સુરક્ષા અને વિશ્વાસના સંબંધો અંગે પણ ચિંતાનો વિષય બની છે.
પોલીસે તપાસ શરૂ કરી
આ મામલે ભરૂચ A ડિવિઝન પોલીસે કબીર સૈયદ સામે દુષ્કર્મ, અપહરણ, પોક્સો એક્ટ અને એટ્રોસિટી એક્ટ સહિતની ગંભીર કલમો હેઠળ ગુનો નોંધ્યો છે. ઘટનાની ગંભીરતાને ધ્યાનમાં રાખીને DYSP અનિલ સીસારા સહિતની પોલીસ ટીમ ઘટનાસ્થળે પહોંચી હતી અને પંચનામું કર્યું હતું.
પોલીસ હવે આ ગુનામાં આરોપી સાથે અન્ય કોઈ વ્યક્તિની સંડોવણી છે કે કેમ તે દિશામાં પણ તપાસ કરી રહી છે. સગીરાની ફરિયાદના આધારે સમગ્ર મામલે ઝીણવટભરી તપાસ શરૂ કરવામાં આવી છે.