ICICI બેંકના ખોટા લેબલ અને 'ચિલ્ડ્રન બેંક'ની નોટો: ઉંઝાના વેપારી સાથે 40 લાખની છેતરપિંડી કરનારી ગેંગનો પર્દાફાશ
AHMEDABAD FAKE CURRENCY NOTE: અમદાવાદ શહેરમાં નકલી ચલણી નોટો આપીને વેપારી સાથે લાખો રૂપિયાની ઠગાઈ કરવાનો પ્રયાસ કરવાનું ષડયંત્ર સામે આવ્યું છે. ઉંઝાના વેપારી સાથે 40 લાખની છેતરપિંડી થયા બાદ ફરી અમદાવાદમાં 10 લાખનું પેમેન્ટ આપવાના બહાને આરોપીઓનો સંપર્ક કરવામાં આવ્યો હતો. આ કેસમાં પોલીસે રાહુલસિંગ વિજયસિંગ ઠાકુર અને માલચંદ પરમેશ્વરલાલ શર્માની ધરપકડ કરી છે.
ઉદય રંજન/અમદાવાદ: 40 લાખની અસલી ડીલ પાછળ છુપાયેલો નકલી નોટોનો ખેલનો ઘાટલોડિયા પોલીસે પર્દાફાશ કર્યો ચિલ્ડ્રન બેંકની નોટ દ્વારા ઊંઝાના વેપારી સાથે 40 લાખની ઠગાઈ કર્યા બાદ આરોપીઓ ફરી એકવાર અમદાવાદમાં એ જ ખેલ કરવા આવ્યા હતા. જોકે આ વખતે ઘાટલોડિયા પોલીસના છટકુ ગોઠવીને દિલ્હી અને રાજસ્થાનના બે આરોપીઓની ધરપકડ કરી. આ રેકેટ નોઈડા અને દિલ્હી સુધી ફેલાયેલા નકલી નોટોના નેટવર્કની કડીઓ સામે આવી છે. કોણ છે આરોપીઓ અને શું છે મોડ્સ ઓપરેન્ડી જોઈએ આ અહેવાલ
સુભાષ બ્રિજ દુર્ઘટનાના એક વર્ષ બાદ AMC સફાળું જાગ્યું: અમદાવાદના આ 14 બ્રિજનું થશે 'હેલ્થ ચેકઅપ'
આ ઘટનાની માહિતી આપતા જણાવ્યું હતું કે, ઊંઝાના બી.બી. ટ્રેડર્સના વેપારી રોહિત કુમાર પટેલ.તેઓ જીરું અને વરિયાળીનો વેપાર કરે છે. નાગપુરથી વેપારના રૂ.40 લાખ મંગાવવા માટે તેમણે ઓનલાઈન આંગડિયા પેઢીનો સંપર્ક કર્યો હતો. 17 નવેમ્બરે બે શખ્સો બેંકની પટ્ટી મારેલા નોટોના બંડલ ભરેલો થેલો લઈને ઊંઝા પહોંચ્યા હતા. બંડલની બહાર બેંકની પટ્ટી હોવાથી વેપારીને ચલણ અસલી હોવાની ખાતરી થઈ હતી. બીજી તરફ નાગપુર ખાતે રૂ.40 લાખનું પેમેન્ટ પણ ચૂકવાઈ ગયું હતું. પરંતુ થેલો ખોલતાં જ આખો ખેલ સામે આવ્યો હતો. અંદર એકપણ અસલી નોટ નહોતી.. તમામ બંડલમાં 'ચિલ્ડ્રન બેંક ઓફ ઈન્ડિયા' લખેલી નકલી નોટો હતી. વેપારી સાથે રૂ.40 લાખની છેતરપિંડી થઈ હોવાનું સમજાતાં પોલીસ સુધી મામલો પહોંચ્યો હતો.
આ ફોન જ પોલીસ માટે આરોપીઓ સુધી પહોંચવાની કડી બન્યો..
ઊંઝાના વેપારીને આ રીતે રૂ.40 લાખ ઠગાઈ થઈ ગયા બાદ ફરી એકવાર નાગપુરથી અમદાવાદમાં ફરિયાદીના પિતા નરેન્દ્રભાઈ પટેલને 10 લાખનું પેમેન્ટ મોકલવાનું નાટક રચવામાં આવ્યું હતું..આ વખતે ગેંગને લાગ્યું કે અગાઉની જેમ જ બંડલ પહોંચાડીને કમિશન મેળવી શકાશે. 19 નવેમ્બર બપોરે આરોપીઓએ વોટ્સએપ કોલ કરીને પેમેન્ટ લઈને આવી ગયા હોવાની જાણ કરી હતી..આ ફોન જ પોલીસ માટે આરોપીઓ સુધી પહોંચવાની કડી બન્યો હતો. ફરિયાદીએ તરત જ ઘાટલોડિયા પોલીસ સાથે ફિલ્મી ઢબે છટકું ગોઠવવામાં આવ્યું. સોલા રોડ પર પારસનગર પેટ્રોલ પંપ પાસે ત્રણ રસ્તા પર બોલાવવામાં આવ્યો. આરોપીઓ નોટોના બંડલ બતાવવા પહોંચ્યા ત્યારે પોલીસે તેમને ચારે તરફથી ઘેરી બંને શખ્સો રંગેહાથ ઝડપી લીધા..તેમની પૂછપરછમાં નોઈડાથી દિલ્હી સુધી ફેલાયેલા નેટવર્કની કડીઓ મળી આવી.
'યોગ્ય તક આપ્યા વિના સાક્ષીની ઉલટતપાસ બંધ કરવાનો ટ્રાયલ કોર્ટને અધિકાર નથી', ગુજરાત હાઇકોર્ટનો મહત્વપૂર્ણ ચુકાદો
આરોપીની પૂછપરછમાં ગેંગની કડીઓ એક પછી એક ખુલવા લાગી
ઘાટલોડિયા પોલીસની ગિરફ્ત માં રહેલ આરોપી દિલ્હીના રાહુલસિંગ ઠાકુર અને રાજસ્થાનના બિકાનેરના માલચંદ પ્રમેશ્વરલાલ શર્મા ધરપકડ કરાઈ. આરોપીની પૂછપરછમાં ગેંગની કડીઓ એક પછી એક ખુલવા લાગી હતી..આરોપી માલચંદના નોઈડા ખાતે રહેતા ભાઈ ગજાનંદ શર્માએ 'ધનરાજ' નામના શખ્સ સાથે સંપર્ક કરાવ્યો હતો. ત્યારબાદ ધનરાજના કહેવાથી દિલ્હીના ખીચડીપુર સ્ટેશન પાસે 'વરુણ' નામના શખ્સે બંનેને નકલી નોટોના બંડલ આપ્યા હતા. આ બંડલ અમદાવાદ પહોંચાડવા બદલ બંનેને રૂ.5-5 હજાર કમિશન અને રેલવે ભાડું આપવાની લાલચ આપવામાં આવી હતી.
નકલી નોટો પધરાવવાની આ રીતથી ગેંગ વેપારીઓને નિશાન બનાવતી
એટલે કે, નકલી નોટો તૈયાર કરનારા કે સમગ્ર ખેલના સૂત્રધારો પાછળ રહીને અન્ય લોકોને બંડલ પહોંચાડવાની જવાબદારી સોંપતા હતા..બંડલની તપાસમાં બેંકના લેબલ પાછળનું રહસ્ય ખૂલ્યું પોલીસે કબજે કરેલા 17 બંડલ ખોલીને તપાસ કરતાં દરેકમાં 98 નોટ લેખે કુલ 1,666 નોટો મળી આવી હતી. તમામ નોટો રૂ.500ના દરની હતી. આ નોટોની અસલી ચલણ મુજબ કિંમત રૂ.8.33 લાખ થાય છે. બંડલની બહાર પીળા કાગળ પર ICICI બેંકનાં ખોટાં લેબલ અને સિક્કા મારવામાં આવ્યા હતા. જ્યારે અંદરની નોટો પર 'ભારતીય મનોરંજન બેંક - પાંચ સો કુપન' અને 'CHILDREN BANK OF INDIA' લખેલું હતું. બહારથી અસલી બેંકના બંડલ જેવો દેખાવ ઊભો કરીને અંદર નકલી નોટો પધરાવવાની આ રીતથી ગેંગ વેપારીઓને નિશાન બનાવતી હતી.
અમદાવાદમાં દિલજીતનો ફીવર: નમો સ્ટેડિયમમાં 90 હજારથી વધુ લોકોનો જમાવડો, જાણો હોટલના ભાડા, મેટ્રો શિડ્યુલ, ટ્રાફિક ડાયવર્ઝન અને પોલીસ સુરક્ષાનું A to Z
આ ગેંગે અગાઉ પણ કેટલા વેપારીઓને આ જ રીતે છેતર્યા છે, તેની તપાસ શરૂ
ઘાટલોડિયા પોલીસે બંને આરોપીઓ ઉપરાંત નોઈડાના ગજાનંદ શર્મા, ધનરાજ અને વરુણ સામે બી.એન.એસ.ની વિવિધ કલમો હેઠળ ગુનો નોંધી તપાસ હાથ ધરી છે. હવે પોલીસ માટે સૌથી મોટો સવાલ એ છે કે આ ગેંગે અગાઉ પણ કેટલા વેપારીઓને આ જ રીતે છેતર્યા છે અને નકલી નોટોના બંડલ પાછળ હજુ કેટલા લોકો સામેલ છે..આ નકલી નોટો ક્યાંથી આવી? બંડલ તૈયાર કરનાર અને નોટો પૂરી પાડનાર કોણ છે? બીજા કેટલા વેપારીઓ ભોગ બન્યા? ઊંઝાની ઘટના સિવાય અન્ય કોઈ ફરિયાદ નોંધાઈ છે કે નહીં?..આંગડિયા પેઢીનો ઉપયોગ કેવી રીતે થયો? વેપારીઓનો વિશ્વાસ જીતવા માટે કઈ રીતે સંપર્ક અને પેમેન્ટની વ્યવસ્થા કરાતી હતી? ગેંગનું નેટવર્ક કેટલું મોટું? દિલ્હી, નોઈડા અને રાજસ્થાન ઉપરાંત અન્ય શહેરોમાં પણ સાગરીતો સક્રિય છે કે કેમ?