રેલવેમાં આવી મોટી ભરતી! 10 પાસ માટે શાનદાર તક... પરીક્ષા વગર સીધી ભરતી, જાણો ક્યારથી ભરાશે ફોર્મ

Railway Jobs : જો તમે ધોરણ 10 પાસ કર્યું હોય અને રેલવેમાં નોકરી શોધી રહ્યા હોવ, તો તમારા માટે સારા સમાચાર છે. નોર્થ વેસ્ટર્ન રેલવે એપ્રેન્ટિસની 2,008 જગ્યાઓ માટે ભરતી કરી રહ્યું છે અને તે માટેની નોટિફિકેશન બહાર પાડી છે. લાયક અને રસ ધરાવતા ઉમેદવારો સત્તાવાર વેબસાઇટ rrcjaipur.in પર જઈને અરજી કરી શકે છે.

ખાસ બાબત એ છે કે, આ ભરતી પ્રક્રિયામાં પસંદગી સીધી મેરિટ લિસ્ટના આધારે કરવામાં આવશે, જેમાં કોઈ પ્રવેશ પરીક્ષા લેવામાં આવશે નહીં. ત્યારે આ ભરતી પ્રક્રિયા શરૂ થવાની તારીખ, અરજી કરવાની પ્રક્રિયા, પાત્રતાના માપદંડો અને અરજી ફી અંગે આ લેખમાં જાણીશું.

અરજી માટેની મહત્વપૂર્ણ તારીખો

RRC NWR એપ્રેન્ટિસ ભરતી માટે ઓનલાઇન અરજીઓ 7 ઓક્ટોબર, 2026ના રોજ શરૂ થશે. અરજી કરવાની અંતિમ તારીખ 6 નવેમ્બર, 2026ના રોજ રાત્રે 11:59 વાગ્યા સુધીની છે. ઉમેદવારોએ છેલ્લી ઘડી સુધી રાહ ન જોવી જોઈએ અને નિર્ધારિત સમયમર્યાદા પહેલાં જ અરજી કરી લેવી હિતાવહ છે.

વિવિધ ટ્રેડ્સ માટે ભરતી

આ ભરતી પ્રક્રિયામાં રેલવેના વિવિધ એકમો માટે અનેક ટ્રેડ્સનો સમાવેશ થાય છે. આ ટ્રેડ્સમાં ફિટર, ઈલેક્ટ્રિશિયન, ડીઝલ મિકેનિક, વેલ્ડર, કાર્પેન્ટર, ઈલેક્ટ્રોનિક્સ મિકેનિક અને કોમ્પ્યુટર ઓપરેટર એન્ડ પ્રોગ્રામિંગ આસિસ્ટન્ટનો સમાવેશ થાય છે. ઉમેદવારોએ ઉપલબ્ધ વિકલ્પોમાંથી માત્ર એક જ એકમ પસંદ કરવાનું રહેશે. એક ઉમેદવાર અલગ-અલગ એકમો માટે એકથી વધુ અરજીઓ સબમિટ કરી શકશે નહીં.

કુલ ખાલી જગ્યાઓની સંખ્યા

આ RRC નોર્થ વેસ્ટર્ન રેલવે (NWR) ભરતી પ્રક્રિયા હેઠળ એપ્રેન્ટિસ તાલીમ માટે કુલ 2,008 જગ્યાઓ છે. આ જગ્યાઓ રેલવેના વિવિધ વિભાગો અને એકમોમાં વહેંચાયેલી છે. અજમેર DRM ઓફિસમાં 500, બિકાનેર DRM ઓફિસમાં 524, જયપુર DRM ઓફિસમાં 580 અને જોધપુર DRM ઓફિસમાં 134 એપ્રેન્ટિસ જગ્યાઓ છે. આ ઉપરાંત, બીજી કેટલીક જગ્યાઓ ફાળવવામાં આવી છે.

કોણ કરી શકે છે અરજી?

આ ભરતી માટે ઉમેદવારોએ માન્ય બોર્ડમાંથી ઓછામાં ઓછા 50% ગુણ સાથે 10મા ધોરણની પરીક્ષા પાસ કરેલી હોવી જોઈએ. વધુમાં, ઉમેદવારો પાસે સંબંધિત ટ્રેડમાં નેશનલ ટ્રેડ સર્ટિફિકેટ હોવું જરૂરી છે. આ પ્રમાણપત્ર નેશનલ કાઉન્સિલ ફોર વોકેશનલ ટ્રેનિંગ અથવા સ્ટેટ કાઉન્સિલ ફોર વોકેશનલ ટ્રેનિંગ દ્વારા જારી કરાયેલું હોવું જોઈએ. 6 નવેમ્બર, 2026ના રોજ ઉમેદવારોની ઉંમર ઓછામાં ઓછી 15 વર્ષ અને વધુમાં વધુ 24 વર્ષ હોવી જોઈએ.

અરજી ફી

આ ભરતી પ્રક્રિયા માટે જે ઉમેદવારોને અરજી ફી લાગુ પડે છે, તેમણે ₹100 ચૂકવવાના રહેશે. SC, ST, PwBD અને મહિલા ઉમેદવારોને અરજી ફીમાંથી મુક્તિ આપવામાં આવી છે. એટલે કે, તેમણે કોઈ ફી ચૂકવવાની રહેશે નહીં. અરજી ફી ડેબિટ કાર્ડ, ક્રેડિટ કાર્ડ અથવા ઇન્ટરનેટ બેંકિંગ દ્વારા ઓનલાઇન ભરી શકાય છે. ઓનલાઇન ચુકવણી દરમિયાન થતા કોઈપણ ટ્રાન્ઝેક્શન ચાર્જની જવાબદારી ઉમેદવારની રહેશે.

કોઈ પરીક્ષા નહીં, મેરિટ લિસ્ટના આધારે પસંદગી

આ ભરતી પ્રક્રિયામાં પસંદગી માટે ઉમેદવારોએ કોઈ લેખિત પરીક્ષા આપવાની રહેશે નહીં. પ્રાપ્ત થયેલી અરજીઓના આધારે મેરિટ લિસ્ટ તૈયાર કરવામાં આવશે. મેરિટ લિસ્ટ 10મા ધોરણ અને સંબંધિત ITI ટ્રેડમાં મેળવેલા ગુણની ટકાવારીના આધારે તૈયાર કરવામાં આવશે. ઉમેદવારોનું મેરિટ સ્થાન નક્કી કરવા માટે બંને લાયકાતોના ગુણની સાદી સરેરાશ ગણવામાં આવશે. ત્યારબાદ, ડિવિઝન, યુનિટ, ટ્રેડ અને કેટેગરીના આધારે અલગ-અલગ મેરિટ લિસ્ટ તૈયાર કરવામાં આવશે. એપ્રેન્ટિસશિપની જગ્યાઓની ઉપલબ્ધતાને આધીન, વધુ ગુણ ધરાવતા ઉમેદવારોને મેરિટ લિસ્ટમાં ઉપરનું સ્થાન આપવામાં આવશે.

ગુણ સમાન હોવાના કિસ્સામાં, મોટી ઉંમરના ઉમેદવારને પ્રાધાન્ય આપવામાં આવશે. મેરિટના આધારે પસંદગી પામેલા ઉમેદવારોએ દસ્તાવેજ ચકાસણી અને મેડિકલ એક્ઝામિનેશન પ્રક્રિયામાંથી પસાર થવું પડશે.

કેવી રીતે કરવી અરજી

• સૌપ્રથમ, નોર્થ વેસ્ટર્ન રેલ્વેની અધિકૃત વેબસાઇટ https://rrcjaipur.in/ ની મુલાકાત લો.
• હોમ પેજ પર 'NWR Apprentice Recruitment 2026' માટેની રજીસ્ટ્રેશન લિંક પર ક્લિક કરો.
• નવા પેજ પર, પહેલા તમારું રજીસ્ટ્રેશન પૂર્ણ કરો અને જરૂરી વિગતો દાખલ કરો.
• રજીસ્ટ્રેશન પૂર્ણ કર્યા પછી અરજી ફોર્મ ભરો.
• તમામ વિગતોની ચકાસણી કર્યા પછી અરજી ફોર્મ સબમિટ કરો.
• અરજી સબમિટ કર્યા પછી કન્ફર્મેશન પેજ ડાઉનલોડ કરો.
• અરજી ફોર્મની પ્રિન્ટઆઉટ લો અને ભવિષ્યના સંદર્ભ માટે તેને સુરક્ષિત રાખો.