દરેક શેર પર 1700% ડિવિડન્ડ આપશે આ કંપની, રેકોર્ડ ડેટ પણ જાહેર

જો તમારા પોર્ટફોલિયોમાં રેટિંગ અને એનાલિટિક્સ કંપની ક્રિસિલ લિમિટેડનો શેર છે તો આ સમાચાર તમારા માટે ઉપયોગી થઈ શકે છે. કંપનીએ ન માત્ર ક્વાર્ટરના પરિણામ જાહેર કર્યાં છે, પરંતુ ડિવિડન્ડની પણ જાહેરાત કરી છે. આવો આ વિશે વિગતવાર જાણીએ.

ડિવિડન્ડની જાહેરાત

ક્રિસિલ લિમિટેડે પોતાના શેરધારકો માટે 1700 ટકા વચગાળાના ડિવિડન્ડની જાહેરાત કરી ચે. કંપનીના બોર્ડે નાણાકીય વર્ષ 2026-2027 માટે 17 રૂપિયા પ્રતિ શેરના ત્રીજા વચગાળાના ડિવિડન્ડને મંજૂરી આપી છે. કંપનીના શેરની ફેસ વેલ્યુ 1 રૂપિયો છે. આ હિસાબથી રોકાણકારોને દરેક શેર પર 17 રૂપિયા મળશે.

કંપનીએ ડિવિડન્ડ માટે 29 ઓક્ટોબર 2026ને રેકોર્ડ ડેટ જાહેર કરી છે. તેનો મતલબ છે કે ડિવિડન્ડ મેળવવા માટે રોકાણકારોની પાસે રેકોર્ડ ડેટ પહેલા શેર હોવા જોઈએ. પરંતુ માત્ર ડિવિડન્ડની જાહેરાત સાંભળી શેર ખરીદવા પર્યાપ્ત નથી. રોકાણ પહેલા એક્સ-ડિવિડન્ડ ડેટ અને સેટલમેન્ટ નિયમોની જાણકારી લેવી જરૂરી છે. બીએસઈને આપવામાં આવેલી જાણકારીમાં કંપનીએ જણાવ્યું કે આ ડિવિડન્ડ 17 નવેમ્બર 2026 કે તેની પહેલાં આપવામાં આવશે.

ડિવિડન્ડનો ઈતિહાસ

ક્રિસિલનો પોતાના શેરધારકોને વચગાળાનું અને વાર્ષિક ડિવિડન્ડ આપવાનો ઈતિહાસ રહ્યો છે. વર્ષ 2026મા કંપનીએ જુલાઈમાં 10 રૂપિયા પ્રતિ શેર અને એપ્રિલમાં 9 રૂપિયા પ્રતિ શેરનું વચગાળાનું ડિવિડન્ડ આપ્યું હતું. વર્ષ 2025મા ક્રિસિલે ઓક્ટોબરમાં 16 રૂપિયા પ્રતિ શેર, જુલાઈમાં 9 રૂપિયા પ્રતિ શેર અને મેમાં 8 રૂપિયા પ્રતિ શેરનું વચગાળાનું ડિવિડન્ડ આપ્યું હતું. સાથે એપ્રિલ 2025મા કંપનીએ 26 રૂપિયા પ્રતિ શેર પર આપ્યા હતા.

આ પણ વાંચોઃ શું હવે 28 ઓક્ટોબરના રોજ થશે મોંઘવારી ભથ્થાની જાહેરાત, 3 કે 4% કેટલો થશે વધારો? જાણો

ક્રિસિલના ક્વાર્ટર પરિણામ

તાજેતરમાં ક્રિસિલ લિમિટેડે સપ્ટેમ્બર ક્વાર્ટરના પરિણામ જારી કર્યાં છે. કંપનીએ 204.64 કરોડ રૂપિયાનો નફો મેળવ્યો છે, જે પાછલા વર્ષના સમાન ક્વાર્ટરના મુકાબલે 5.9 ટકા વધુ છે. આ ક્વાર્ટર દરમિયાન કંપનીનું ઓપરેટિંગ રેવેન્યુ 1095.16 કરોડ રહ્યું, જે પેછલા નાણાકીય વર્ષના સમાન ક્વાર્ટરના મુકાબલે 20.20 ટકા વધુ છે.

શેરનું પરફોર્મંસ

શુક્રવારે બીએસઈ પર ક્રિસિલના શેર 0.84 ટકાના ઘટાડા સાથે 4748.10 રૂપિયા પર બંધ થયા હતા. છેલ્લા એક સપ્તાહમાં તેના શેરના ભાવમાં 4.57 ટકા, છેલ્લા બે સપ્તાહમાં 7.14 ટકા, એક મહિનામાં 3.13 ટકા અને ત્રણ મહિનામાં લગભગ 7.93 ટકાનો ફેરફાર આવ્યો છે. એક વર્ષમાં તેના શેરના ભાવમાં 4.16 ટકાનો ઘટાડો થયો છે.