શું કોહલી-ગંભીર વચ્ચે બધુ બરાબર નથી? BCCI એ પ્રજ્ઞાન ઓઝાને આપી હતી મોટી જવાબદારી

પૂર્વ સ્પિનર પ્રજ્ઞાન ઓઝાને ભારતીય ટીમના નવા મુખ્ય પસંદગીકાર બનાવવામાં આવ્યા છે. ભારતીય ક્રિકેટ કંટ્રોલ બોર્ડે જણાવ્યું કે ઓઝાને વરિષ્ઠતાના આધાર પર પસંદગી પેનલના અધ્યક્ષ બનાવવામાં આવ્યા છે. પેનલના પાંચ સભ્યોમાં પ્રજ્ઞાન ઓઝાએ સર્વાધિક 24 ટેસ્ટ મેચ રમી છે. હવે આ પસંદગી સમિતિમાં પ્રજ્ઞાન ઓઝા, રમેશ પવાર, શિવ સુંદર દાસ, આરપી સિંહ અને અજય રાત્રા સામેલ છે. તો એક રિપોર્ટમાં તે પણ ખુલાસો થયો છે કે ઓઝાના સંબંધ ભારતના વરિષ્ઠ ખેલાડીઓ સાથે સારા છે, જેના કારણે બીસીસીઆઈએ ઓઝાને મુખ્ય પસંદગીકાર બનાવવાનો નિર્ણય લીધો છે. રિપોર્ટમાં તે વાત પણ સામે આવી છે કે ઓઝાએ ગંભીર અને કોહલી વચ્ચે ચાલી રહેલા અણબનાવને ખતમ કરવાનું કામ કર્યું છે.

હિન્દુસ્તાન ટાઇમ્સના રિપોર્ટ અનુસાર બીસીસીઆઈના અધિકારીઓએ ઓઝાનો ઉપયોગ સમસ્યાનો ઉકેલવા માટે કર્યો છે. તેમણે મુખ્ય કોચ ગૌતમ ગંભીર અને વિરાટ કોહલી વચ્ચે આવેલા કમ્યુનિકેશન ગેપને દૂર કરવાની જવાબદારી આપવામાં આવી હતી. રિપોર્ટમાં જણાવવામાં આવ્યું કે ઓઝા, જે પસંદગી સમિતિમાં સાઉથ ઝોનનું પ્રતિનિધિત્વ કરે છે, તેણે પોતાના કાર્યકાળ દરમિયાન આ મુદ્દા પર કોહલી સાથે વાત કરી હતી. ઓઝા અને કોહલીએ ભારત માટે એક સાથે 22 મેચ રમી છે.

આ પણ વાંચોઃ જો આ ૩ ખેલાડી ન્યૂઝીલેન્ડ પ્રવાસ દરમિયાન થશે ફ્લોપ, તો ભારતીય T20 ટીમમાંથી થશે બહાર

તે વાત સ્પષ્ટ છે જ્યારે પૂર્વ મુખ્ય પસંદગીકાર અજીત અગરકરે ઈંગ્લેન્ડના પ્રવાસ બાદ રોહિત શર્માને વનડે ટીમમાંથી બહાર રાખવાનો નિર્ણય લીધો હતો, તો તેણે ઓઝાને આ વિશે સ્ટાર ઓપનરને જણાવવા માટે કહ્યું હતું. રિપોર્ટ પ્રમાણે તેમણે આ વાત ત્યારે કહી હતી જ્યારે તે બંને ઈંગ્લેન્ડમાં સાથે હતા.

ઓઝા, જેણે ભારત માટે 24 ટેસ્ટ મેચ રમી છે, તેને તેની વરિષ્ઠતાના આધારે આ પદ પર પ્રમોટ કરવામાં આવ્યો છે. આ પહેલા તે પસંદગી સમિતિમાં વેસ્ટ ઝોનના પ્રતિનિધિ તરીકે અજીત અગરકરની જગ્યાએ રમેશ પવાર આવ્યા હતા. કહેવામાં આવે છે કે ઓઝાના સેન્ટર ઓફ એક્સીલેન્સના પ્રમુખ વીવીએસ લક્ષ્મણની સાથે સારા સંબંધ છે, જેનો પસંદગીના મામલામાં પ્રભાવ સતત વધી રહ્યો છે.