Gujarat Breaking News Live: ગુજરાત સહિત દેશ અને દુનિયામાં બનતી તમામ મહત્વની ઘટનાઓ, રાજકારણ, હવામાન, અકસ્માત, રમતગમત, બિઝનેસ, મનોરંજન સહિતના દરેક મોટા સમાચારની પળેપળની લાઈવ અપડેટ અને બ્રેકિંગ ન્યૂઝ એક જ જગ્યાએ મેળવવા માટે જોડાયેલા રહો Zee 24 Kalakના લાઈવ બ્લોગ સાથે...
ગીર સોમનાથના તાલાલા શહેર અને આસપાસના ગ્રામ્ય વિસ્તારોમાં કમોસમી વરસાદ શરૂ થયો છે. તાલાલા સીટી અને ગુંદરણ ગામ સહિત આસપાસના વિસ્તારમાં વરસાદ પડ્યો છે. તાલાલાના ગીર ગામોમાં પણ વરસાદ વરસ્યો છે, તોધાવા, સુરવા, વાડલા સહિતના ગીર વિસ્તારના ગામોમાં પણ ત્રીજા દિવસે વરસાદનું આગમન થયું છે.
દિલ્લીના રામલીલા મેદાનમાં મહારેલીને સંબોધન કરતા રાહુલ ગાંધીએ કહ્યું કે, જ્ઞાનેશ કુમારે મુખ્ય ચૂંટણી કમિશનર (CEC)ના પદ પરથી રાજીનામું આપવું પડશે અને તેઓ જેલમાં જશે. આ કોઈ સામાન્ય ચોરી નથી, પરંતુ આ દરેક ભારતીય નાગરિકના મત અને અવાજની ચોરી છે. રાહુલ ગાંધીએ આને દેશદ્રોહનું કૃત્ય ગણાવ્યું.
તેમણે આરોપ લગાવ્યો કે આ લોકોએ તમામ બંધારણીય સંસ્થાઓ પર કબજો જમાવી લીધો છે. તેમણે દલીલ કરી કે, ખેડૂતોને તેમના અધિકારોથી વંચિત રાખવામાં આવી રહ્યા છે, યુવાનોને રોજગારી મળી રહી નથી. રાહુલે વધુમાં આરોપ લગાવ્યો કે હજારો કરોડની લોન માફ કરી દેવામાં આવે છે, જ્યારે જો કોઈ સામાન્ય નાગરિક આવું જ કંઈક કરે, તો તેને માર મારવામાં આવે અને જેલમાં નાખી દેવામાં આવે છે.
પંચમહાલમાં ખનીજ માફિયાઓ બેફામ બન્યા છે. ઘોઘંબા તાલુકાના સાજોરા પંથકમાં બેફામ રેતી અને માટી ચોરીના આક્ષેપ સામે આવ્યા છે. જાગૃત નાગરિકે વીડિયો બનાવી રેતી માટી ચોરીનો પર્દાફાશ કર્યો છે. હાલ પણ આ વિસ્તારમાં માફિયાઓ દ્વારા ખનન ચાલુ હોવાના આક્ષેપ છે. ખાન ખનીજ વિભાગ ઘોર નિંદ્રામાં હોય તેવું લાગી રહ્યું છે.
દિવાળી પર્વ નિમિત્તે ગુજરાતના 143 કેદીઓને 15 દિવસના પેરોલ મંજૂર કરવામાં આવ્યા છે. 6 નવેમ્બરથી ધનતેરસના દિવસે કેદીઓને પેરોલ પર મુક્ત કરાશે. 60 વર્ષથી વધુ વયના 103 પુરુષ કેદીઓ અને 40 મહિલા કેદીઓને લાભ મળશે. વર્ષ 2003થી રાજ્ય સરકાર દ્વારા દિવાળી પર્વ પર કેદીઓને પેરોલ આપવાની પરંપરા છે. નાયબ મુખ્યમંત્રી હર્ષ સંઘવીના માર્ગદર્શન હેઠળ રાજ્ય સરકારનો નિર્ણય. પરિવારજનો સાથે દિવાળી ઉજવવાની તક મળશે. ગંભીર ગુનાઓમાં સજા ભોગવતા કેદીઓને પેરોલનો લાભ નહીં મળે.
દિલ્લીના રામલીલા મેદાનમાં INDIA બ્લોકની મહારેલી યોજાઈ રહી છે. CEC જ્ઞાનેશકુમારના રાજીનામાની માગ સાથે તમામ વિપક્ષી નેતાઓ માર્ચમાં જોડાયા. પોલીસ 200 CCTV અને ડ્રોન કેમેરાથી ભીડ પર નજર રાખી રહી છે. રેલીમાં વિરોધ પક્ષોના ટોચના નેતાઓ ઉપરાંત પક્ષના કાર્યકરો, વિદ્યાર્થી સંગઠનો અને સમાજના પ્રતિનિધિઓ સહિત વિશાળ જનમેદની ઉમટી પડી છે.
