SOCIAL MEDIA

Newsletter

PARTNER SITES
Select Language Select State

રાજ્ય સરકારનો મોટો નિર્ણય, એકસાથે 64 નાયબ સેક્શન અધિકારીઓને બઢતી સાથે બદલીના આદેશ

Gandhinagar : ગુજરાત સરકારના વહીવટી વિભાગ દ્વારા સચિવાલય કેડરના વર્ગ 2ના બે અધિકારીઓની બદલી તેમજ 64 નાયબ સેક્શન અધિકારીઓની બઢતી સાથે બદલીનો આદેશ કરવામાં આવ્યો છે. આ અધિકારીઓને વહીવટી કારણોસર અલગ-અલગ વિભાગો અને કચેરીઓમાં બદલી કરવામાં આવી છે.

Written By Dilip Chaudhary
Published: Nov 21, 2026, 19:24 IST | Updated: Nov 21, 2026, 20:17 IST
Join

Gandhinagar : ગુજરાત સરકારના સામાન્ય વહીવટ વિભાગ દ્વારા સચિવાલયના વહીવટી માળખામાં મોટો ફેરફાર કરવામાં આવ્યો છે. સચિવાલય કેડરના વર્ગ-2ના બે સેક્શન અધિકારીઓની બદલી કરવામાં આવી છે, જ્યારે 64 નાયબ સેક્શન અધિકારીઓને બઢતી આપીને સેક્શન અધિકારી વર્ગ-2 તરીકે નિમણૂક આપવામાં આવી છે.

162 બેઠકોનો દબદબો છતાં ભાજપ કેમ બેબાકળી? આવતીકાલે 5 લાખ ભાજપીઓ ભેગા થશે, શાનો છે ડર?

સચિવાલય કેડરના વર્ગ-2ના બે અધિકારીની બદલી

સરકારના આ નિર્ણયથી સચિવાલયના વિવિધ વિભાગોમાં અધિકારીઓની જવાબદારીઓમાં ફેરફાર થશે. આદેશ મુજબ વર્ગ-2ના અધિકારી જીજ્ઞેશકુમાર ડામોરને આદિજાતિ વિકાસ વિભાગમાંથી ગુજરાત તકેદારી આયોગમાં મૂકવામાં આવ્યા છે. જ્યારે સંતોષકુમાર વસાવાની સામાજિક ન્યાય અને અધિકારિતા વિભાગમાંથી સામાન્ય વહીવટ વિભાગમાં બદલી કરવામાં આવી છે.

64 નાયબ સેક્શન અધિકારીઓને સેક્શન અધિકારી તરીકે બઢતી

બીજી તરફ, 64 નાયબ સેક્શન અધિકારીઓને સેક્શન અધિકારી તરીકે બઢતી આપીને વિવિધ વિભાગો અને કચેરીઓમાં નવી જવાબદારી સોંપવામાં આવી છે. જેમાં કે. એમ. સોનીને સામાન્ય વહીવટ વિભાગમાંથી પંચાયત, ગ્રામ ગૃહ નિર્માણ અને ગ્રામ વિકાસ વિભાગમાં મૂકવામાં આવ્યા છે. પાવન પરમારને માર્ગ અને મકાન વિભાગમાંથી સામાન્ય વહીવટ વિભાગમાં નિમણૂક આપવામાં આવી છે. જ્યારે મિલનકુમાર પ્રજાપતિને મહેસૂલ વિભાગમાંથી સામાન્ય વહીવટ વિભાગમાં મૂકવામાં આવ્યા છે.

 

વિવિધ વિભાગોમાં બદલી સાથે બઢતી

આ ઉપરાંત વિવિધ અધિકારીઓને ગૃહ, શિક્ષણ, મહેસૂલ, નાણા, આરોગ્ય અને પરિવાર કલ્યાણ, માર્ગ અને મકાન સહિતના વિભાગોમાં જવાબદારી સોંપવામાં આવી છે. ગુજરાત જાહેર સેવા આયોગ, ગુજરાત તલાટી ભરતી આયોગ, ગુજરાત રાજ્ય માનવ અધિકાર આયોગ અને GRIT જેવી સંસ્થાઓમાં પણ નવી નિમણૂકો કરવામાં આવી છે.

કેટલાક અધિકારીઓની બદલી તેમના હાલના વિભાગમાંથી અન્ય વિભાગમાં કરવામાં આવી છે, જ્યારે કેટલાકને વહીવટી કામગીરીના ભાગરૂપે નવી જવાબદારી સોંપવામાં આવી છે. સામાન્ય વહીવટ વિભાગ દ્વારા જાહેર કરાયેલા આ હુકમનો અમલ તાત્કાલિક અસરથી કરવાનો રહેશે. આ નિર્ણયથી સચિવાલયના વહીવટી કામકાજમાં નવી જવાબદારીઓ સાથે અધિકારીઓ કામગીરી સંભાળશે.  
 

Add Zee News as a Preferred Source
TAGS:

About the Author

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.
Read More

ZEENEWS TRENDING STORIES